சர்வதேச புகழ்பெற்ற பாடகியான அமி இறக்கும்போது வயது 27. மிக இளம் வயதிலேயே தனது அதீத திறமையினால் உலகளாவிய ரீதியில் ரசிகர்கள் மனதில் குடிகொண்டவர். இசைக்காக வழங்கப்படுகின்ற அதி உன்னத விருதான கிரம்மி விருதுகள் ஐந்தினை தட்டிச்சென்ற பாடகி என்ற பெருமையும் இவருக்குண்டு
இளம் வயதிலேயே தனது இசைத்திறமையால் ரசிகர்களை கொள்ளை கொண்டதுபோல் தனது வாழ்விலும் தீய பழக்கங்களுக்கு அடிமையாகியிருந்தார். இவர் மதுபானம் மற்றும் போதைப் பொருட்களுக்கு நீண்டகாலமாக அடிமையாகியிருந்தார் என்றும் தகவல்கள் குறிப்பிடுகின்றன. இவர் போதைப் பாவனையை நிறுத்தத் தவறினால் உயிரிழக்கும் அபாயம் இருப்பதாக வைத்தியர்கள் எச்சரிக்கை விடுத்துள்ளநிலையிலேயே இந்த மரணம் சம்பவித்துள்ளது. எது எப்படியிருப்பினும் இசையுலகிற்கு ஒரு பேரிழப்பாக அமி வைன்ஹவுஸின் இழப்பு அமைந்திருக்கிறதென்னமோ உண்மைதான்.
