சென்ற 23 ஆம் திகதி நடிகர் சூர்யா தனது பிறந்த நாளை கேக் வெட்டி கொண்டாடினார். அவருக்கு ஹீரோயின் காஜல் அகர்வால் வாழ்த்துக் கூறினார். கல்பாத்தி அகோரம் வழங்கும் ஏஜிஎஸ் மூவீஸின் மாற்றான் படப்பிடிப்பில் குழுவினருடன் இந்த பிறந்த நாளை அவர் கொண்டாடினார். இயக்குநர் கேவி ஆனந்த், படத்தின் வசனகர்த்தாக்கள் சுபா மற்றும் படக்குழுவினர் சூர்யாவுக்கு கேக் ஊட்டி வாழ்த்துக் கூறினர்.
மாற்றான் படம் வித்தியாசமான கதையமைப்புடன் உருவாகிறது. ஏழாம் அறிவு படத்துக்குப் பிறகு சூர்யா நடிக்கும் இந்தப் படத்துக்கு ஹாரிஸ் ஜெயராஜ் இசையமைக்கிறார். சவுந்தரராஜன் ஒளிப்பதிவு செய்கிறார். எடிட்டிங்கை ஆன்டனி கவனிக்கிறார். சென்னை மற்றும் அதன் சுற்றுப்புறங்களில் மாற்றான் படப்பிடிப்பு தொடர்ந்து நடக்கிறது.
